Applied Tamil Diploma (ව්‍යවහාරික දෙමළ භාෂා ඩිප්ලෝමා පාඨමාලාව)

User Avatar
Free

හැඳින්වීම

ශ්‍රී ලංකාවේ පවතින සිංහල, දෙමළ, ඉංග්‍රීසි යන රාජ්‍ය භාෂා ත්‍රිත්වය අතරෙන් දෙමළ භාෂාව කේන්ද්‍ර කොටගෙන ඇරඹීමට නියමිත ව්‍යවහාරික දෙමළ භාෂා ඩිප්ලෝමා පාඨමාලාව සංවිධානය කරනු ලබන්නේ ශ්‍රී ජයවර්ධනපුර විශ්වවිද්‍යාලයෙහි මානවශාස්ත්‍ර හා සමාජීයවිද්‍යා පීඨයේ අනුග්‍රහය මත, ඩිජිටල් අධ්‍යාපනික සහ වෘත්තිය සංවර්ධන මධ්‍යස්ථානය මගිනි. එසේම පාඨමාලාවේ මෙහෙයවීම් කටයුතු සිංහල හා ජනසන්නිවේදන අධ්‍යයනාංශය මගින් සිදු කරනු ලබයි. ඒ අනුව දෙමළ භාෂාව, දෙවන භාෂාවක් ලෙස අධ්‍යයනය කිරීමට අවැසි, පීඨයේ තෙවැනි වසර අභ්‍යන්තර සිසුන් හට මෙම ඩිප්ලෝමා පාඨමාලාව සඳහා අයදුම් කළ හැකිවන අතර පාඨමාලාව හැදෑරීම සඳහා කිසිදු ගාස්තුවක් අය නොකෙරේ. කාලීන අවශ්‍යතාව මත විශ්වවිද්‍යාලයකින් ශිෂ්‍යයකු ලබාගන්නා උපාධියත් සමග ඔහුට හෝ ඇයට අමතර සුදුසුකමක් ප්‍රදානය කිරීම මෙමගින් සිදු වන අතර එය විද්‍යාර්ථියාට හිමිවන සුවිශේෂ වරප්‍රසාදයක් ලෙස සැලකිය හැකිය.

පාඨමාලා ඉගෙනුම් ඵල

1) දෙමළ භාෂාව හා ව්‍යාකරණය සම්බන්ධයෙන් පාඨමාලාවෙන් ලබා දුන් දැනුම හා අවබෝධය පිළිබඳ ස්මරණ ශක්‍යතාවක් ඇති කිරීමට හැකිවීම සහ ඒවායේ ස්වයං භාවිතය ප්‍රකරණ විචාරයෙහිලා උපයෝගි කොට ගැනීම, අවස්ථා අර්ථකථනයට මග පෑදීම හා භාෂා සම්ප්‍රවේශනයට පෙළඹවීම.
2) ප්‍රායෝගික ලේඛන කුශලතා වර්ධනය කිරීමට පෙළඹවීමෙන් පැහැදිලි හා නිරවුල් අදහස් ප්‍රකාශනය සහිත ලේඛනකරණය සඳහා ප්‍රවේශ කිරීමේ, පුද්ගලාන්තර සන්නිවේදන සබඳතා ඇති කර ගැනීම සඳහා යොමු කිරීමේ, සමාජ සම්බන්ධතා අන්තර් ග්‍රහණය කොට ගනිමින් පෞද්ගලිකව හා ප්‍රායෝගිකව භාවිත කිරීමේ බුද්ධිමය ශක්‍යතාව මගින් සමාජ වගකීම දියුණු කර ගැනීම.
3) සාහිත්යික, භාෂාත්මක හා සංස්කෘතික ශාස්ත්‍රීය සංකථන මගින් ලබා ගත් විචාරාත්මක, නිර්මාණාත්මක කුශලතා පදනම් කොට ගෙන සංස්කෘතික විවිධාංගීකරණයෙන් යුත් සමාජ සන්දර්භ පිළිබඳව සුනම්‍ය වූ දෘෂ්ටියක් ඇති කර ගැනීමෙන් මනා වූ ජීවන දැක්මකින් යුතවු වෘත්තිය සාපල්‍යයන් සපුරාගත හැකිවීම.
4) ස්වීකරණය මගින් ලබා ගත් භාෂාත්මක සුවිශේෂතා පිළිබඳ අවබෝධය, භාෂා දැනුම සහ ප්‍රායෝගික පුහුණුව යාවත්කාලීන කර ගැනීමට, නව දැනුම් ක්ෂේත්‍ර පිළිබඳ ගවේෂණය කිරීමට හා පුද්ගල සුහදත්වය වර්ධනය කිරීමට යොදාගත හැකිවීම.

සුදුසුකම්

මෙම පාඨමාලාව හැදෑරීම සඳහා ශාස්ත්‍රවේදී ගෞරව හෝ සාමාන්‍ය උපාධිය
හදාරන තෙවන වසර අභ්‍යන්තර විද්‍යාර්ථියෙකු වීම අවශ්‍ය වේ.

තෝරාගැනීමේ පටිපාටිය

පාඨමාලාව ආරම්භයේදී ලියාපදිංචි වන සියලුම සිසුන් සඳහා මාසයක පූර්ව අධ්‍යයන වාරයක් පැවැත්වේ. අනතුරුව එහිදී ලබාගත් දැනුම පදනම් කොට ගනිමින් පවත්වනු ලබන කඩඉම් පරීක්ෂණයෙන් තෝරාගන්නා සිසුන් 200කට පමණක් ව්‍යවහාරික දෙමළ භාෂා ඩිප්ලෝමා පාඨමාලාව හැදෑරීමේ අවස්ථාව හිමි වේ.

Course Features

  • Lectures 16
  • Quizzes 0
  • Skill level 3rd Year
  • Language Tamil
  • Students 0
  • Assessments Yes

COURSE DETAILS

Duration

1 Year

Cost

Free

Teaching Method

Online Lectures

Location

Online

APTITUDE TEST DETAILS

Aptitude Test Date

2021.05.31

Aptitude Test Duration

1 Hour

පාඨමාලා ව්‍යුහය

සංක්ෂිප්ත පාඨමාලා අන්තර්ගතය

පළමු අර්ධ වාර්ෂිකය

DAT 111 : භාෂා අධ්‍යයන ප්‍රවේශය

DAT 112 : වියරණ හුරුව හා අවබෝධය

DAT 113 : ප්‍රායෝගික ලේඛන

DAT 114 : දෙමළ භාෂා ද්විරූපතාව හා සරල පරිවර්තන

DAT 115 : ශ්‍රවණය හා ප්‍රායෝගික ක්‍රියාකාරකම්

දෙවන අර්ධ වාර්ෂිකය

DAT 121 : සාහිත්යික සංස්කෘතික අධ්‍යයනය

DAT 122 : සාහිත්‍ය හා ප්‍රායෝගික ලේඛන පරිවර්තන

DAT 123 : සම්භාව්‍ය හා නූතන සාහිත්‍ය අධ්‍යයනය

DAT 124 : අවස්ථෝචිත කථන පුහුණුව

DAT 125 : ව්‍යාපෘති මාර්ගෝපදේශනය හා ව්‍යාපෘති රචනය

මේ සඳහා සිද්ධි අධ්‍යයන (Case Studies) පදනම් කරගත් ව්‍යාපෘති සලකා බැලෙන අතර එහි ඇගයීම් කටයුතු කොටස් දෙකකින් යුක්තව සිදු කෙරේ. ඒ අනුව ඩිප්ලෝමා අපේක්ෂයා, තම පර්යේෂණය පිළිබඳව වචන 2000ක පමණ වාර්තාවක් දෙමළ භාෂාවෙන් සකස් කළ යුතු අතර ඒ සඳහා ලකුණු 80% ක් හිමිවේ. ඒ හැරුණු විට ව්‍යාපෘතිය පිළිබඳව ශිෂ්‍යයා සම්ප්‍රවේශනයක් (Presentation) සිදු කළ යුතු අතර ඒ සඳහා හිමිවන ලකුණු ප්‍රමාණය 20% කි. ව්‍යාපෘතිය සඳහා අවැසි නියැදිය ශිෂ්‍යයාට ස්ව අභිමතය පරිදි තෝරාගත හැකිය. එසේ තෝරාගත් නියැදිය පාදක කොට ගනිමින් සිදු කෙරෙන අධ්‍යයනයේදී අප විසින් ලබාදෙනු ලබන නිර්ණායක මත පදනම්ව කටයුතු කිරීම අවශ්‍ය වේ. ව්‍යාපෘති මාර්ගෝපදේශනය යටතේ අපේක්ෂකයා විසින් සිදු කරනු ලබන ව්‍යාපෘතිය සඳහා අදාළ ශාස්ත්‍රීය අධ්‍යයන ක්‍රම හා රචනා විධික්‍රම පිළිබඳ මග පෙන්වීම අප විසින් සිදු කරනු ලැබේ.

Tamil Language Additional Resources

Disclaimer: All these books are from the Department of Official Languages of Sri Lanka.

Translate