සුභාෂා - සිංහල භාෂා අභියෝග්‍යතා තරගාවලිය 2024
සුභාෂා – සිංහල භාෂා අභියෝග්‍යතා තරගාවලිය 2024 – අවසන් තරග වටය
2024.05.02 වැනි බ්‍රහස්පතින්දා ප.ව. 12.00ට
තරග ස්වභාවය හා කොන්දේසි
මූලික සුදුසුකම්
ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීයවිද්‍යා පීඨයෙහි ඉගෙනුම ලබන අභ්‍යන්තර විද්‍යාර්ථියකු වීම.
තරගාවලිය සඳහා ලියාපදිංචිය
මානවශාස්ත්‍ර හා සමාජීයවිද්‍යා පීඨයේ ශාස්ත්‍රවේදී විශේෂ හා සාමාන්‍ය උපාධි හදාරන පළමු වසර, දෙවන වසර, තෙවන වසර හා සිවුවන වසර සියලු විද්‍යාර්ථීන්ට මාර්ගගතව (ලියාපදිංචිය සඳහා අවැසි අයදුම්පත සහිත සබැඳිය (Link) ඩිජිටල් අධ්‍යාපන වෘත්තිය සංවර්ධන මධ්‍යස්ථාන වෙබ් අඩවියෙහි පළ කරනු ලැබේ) තරගාවලිය සඳහා ලියාපදිංචි විය හැකිය.
පෙරහුරු ප්‍රශ්න පත්‍ර
තරගය සඳහා ලියාපදිංචි වූ විද්‍යාර්ථීන්ට ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීයවිද්‍යා පීඨයෙහි ඩිජිටල් අධ්‍යාපන හා වෘත්තිය සංවර්ධන මධ්‍යස්ථානයේ නිල වෙබ් අඩවිය හරහා ආදර්ශ පෙරහුරු ප්‍රශ්න පත්‍ර ලබා ගත හැකිය.
ප්‍රශ්න පත්‍රයේ ස්වභාවය
බහුවරණ ප්‍රශ්න පනහක් (50)ක් අන්තර්ගත ප්‍රශ්න පත්‍රයක් සඳහා තරගකරුවන් මුහුණ දිය යුතුය. පහත සඳහන් ක්ෂේත්‍ර ආවරණය වන පරිදි සකස් කරනු ලබන ප්‍රශ්න පත්‍රය සඳහා පිළිතුරු සැපයීමට පැයක කාලයක් හිමි වේ.
- අක්ෂර වින්‍යාසය
- පද සාධනය
- උක්තාඛ්‍යාත පද සම්බන්ධය
- විරාමාදී ලක්ෂණ භාවිතය
- පද බෙදීම
- සන්ධි හා සමාස භාවිතය
- සමාන පද, විරුද්ධ පද භාවිතය
- බහු අර්ථ පද හා තනි පද භාවිතය
- විභක්ති
- අර්ථාවබෝධය
තරගය පවත්වන ආකාරය
පළමු තරග වටය
තරගය සඳහා ලියාපදිංචි වන සියලු විද්‍යාර්ථීන්හට සිංහල භාෂා අභියෝග්‍යතාවට අදාළ පැයක (01) බහුවරණ ප්‍රශ්න පත්‍රයක් මාර්ගගත(Online) ක්‍රමයෙන් ලබා දෙනු ලැබේ. එම ප්‍රශ්න පත්‍රය සඳහා ලකුණු ලබා ගන්නා ප්‍රමුඛතාව මත ලියාපදිංචි වන ශිෂ්‍ය සංඛ්‍යාවෙන් 50% ක ප්‍රමාණයක් පළමු වටයෙන් තෝරා ගනු ලැබේ.
පළමු තරග වටය - 2024.04.24 වැනි බදාදා ප.ව. 12.00ට
දෙවන තරග වටය
පළමු වටයෙන් තේරී පත් වන විද්‍යාර්ථීන් සඳහා නැවත පැයක (01) බහුවරණ ප්‍රශ්න පත්‍රයක් මාර්ගගත (Online) ක්‍රමයෙන් ලබා දෙන අතර එමගින් ලකුණු ලබා ගන්නා ප්‍රමුඛතාව මත ශිෂ්‍යයෝ පනස් දෙනෙක් (50) අවසන් වටය සඳහා සුදුසුකම් ලබති.
දෙවැනි තරග වටය - 2024.04.29 වැනි සඳුදා ප.ව. 12.00ට
අවසන් තරග වටය
අවසන් වටය සඳහා තේරී පත් වන විද්‍යාර්ථීන් පනස් දෙනා (50) සඳහා නැවත වරක් පැයක (01) බහුවරණ ප්‍රශ්න පත්‍රයක් මාර්ගගතව (Online) හෝ භෞතිකව(physically) ලබා දෙනු ලැබේ.
අවසන් තරග වටය - 2024.05.02 වැනි බ්‍රහස්පතින්දා ප.ව. 12.00ට
ජයග්‍රාහකයන් තෝරා ගැනීම
අවසාන තරග වටය සඳහා තේරී පත් වන විද්‍යාර්ථීන් අතුරින් ඉහළම ලකුණු ලබා ගන්නා පිළිවෙළ මත ජයග්‍රාහකයන් තිදෙනා නම් කෙරේ.
ත්‍යාග හා සහතිකපත්
අවසන් වටය සඳහා තේරී පත් වන විද්‍යාර්ථීන් අතුරින් ඉහළම ලකුණු ලබා ගන්නා විද්‍යාර්ථීන් 50 දෙනා සඳහා සහතික පත්‍ර ප්‍රදානය කෙරේ. අවසන් වටයෙන් තේරී පත් වන ප්‍රථම, දෙවන සහ තෙවන ස්ථාන ලබාගන්නා ජයග්‍රාහකයන් තිදෙනා සඳහා වටිනා ත්‍යාග සහ සහතික පත්‍ර ප්‍රදානය කෙරේ.
පෙරහුරු පරීක්ෂණ
පූර්ව පරිශීලන ආධාරක දේශන
ගැලරිය
